نصائح للمقبلات على الجامعة

كل عام وانتوا بخير وصحة وسلامة يارب
ويسعدلي اوقاتكم ربي يابنات الجامعة
مرحلة الجامعة أحلى من أي مرحلة مضت سواء ثانوي
أو متوسط , مرحلة غيييييييييييييرالجامعة أحلى مرحلة بحياتك
أدخلي بتفاؤل , انتي غير عن بنت خالتك وغير عن زميلتك وغير صحبة أختك .
وهذي بعض النصائح المهمة :
كوني طالبة جامعية بعيد عن حوسة الملابس وتميزي بالطلة الأوفر , اتبعي الآتي :
1- كم قميص حلو وفخم سواء من , مانجو , نيكست , كمايو , برمود ..الخ
2- تنورة سوداء حلوة أو جينز زمن المستحسن الإبتعاد عن الجينز
لأنه حر + جينز =
3- الأهم ومهم وهام جداا شنطة عملية كبيره مريحة
ليش ؟
عشان تحطي عبايتك وتتحمل كتبك والملازم كمان شنطة
الميك أب ومحفظة الدراهم وعطرك
ملاحظة : البنات في الآونه الأخيره ساروا يلبسوا الشنط االلي على الظهر
حلوة ومريحة وطلة جديدة
4- الأحذية وانتوا بكرامة , نصيحه ابتعدواا عن
الكعب
متععععب وأصلاً مو مناسب لطلة صباحية
خذي لك حذاء رياضي أو بنوتي نعوم + فلات مريح
ولاتنسي الجوارب الخاصة للفلات عشان قدمك
لاتسوّد وتصير معالم انتي في غنى عنها من
التراب والشمس .
هذا لأول أسبوع , بعدين انتي بتكتشفي بنفسك ايش
اللي بريحك والستايل اللي بيناسبك في الجامعة
واللبس عالبنات وخذي فكره عن الزي ..
أحسن ماتكوّمي شنط وملابس وفي الأخير مو مريحة
وتطلع طلتك
تنبيه : مو مهم تكون شنتطك من الماركة الفلانية
وشوزك من محل مدري مين , وبلوزتك من ماركة معينة
أكببببر غللللللللط
الشي اللي بيناسبك وحبتيه ولابق لجسمك ولطلة الصباح
البسيه وعمر الماراكات ماخلت الناس حلوين او الأناقة
ماتصير إلا فيهم .
❤ المكياج " الميك أب " + الشعر .
ياحلاوة .. أحلى شيئ حبيته لما دخلت الجامعة اني
سرت أعرف أحط مكياج
المكياج الصباحي سهل وخفيف ومايكون شدو
وأساس ورسمة عين وزحمة لاااا
طيب ايش احتاج ؟
إذا حابة طلة لزيزة وصباحية اتبعي الآتي :
* واقي شمس من الصيدلية مناسب لبشرتك
* مرطب شفايف لابيللو حبيب الكُل أو
مرطبات بدي شوب بجميع النكهات
أو لون رايق ينفع للصباح وطلة حيويّة
* ماسكرا جميله لنظرة مُبهرة
* بلاشر وردي أنثوي أو اللي يناسبك
* كريم مرطب لليدين
*Sunglasses " النظارة الشمسية "
< مهمة جداااا
نصيحة ابتعدي عن :
المكياج للعيون سواء ذهبي برتقالي .. الخ
الأرواج الصارخة
الأساس الكثير اللي يخلي وجهك لون ورقبتك لون
وطبعاً : المكياج كل ماكان خفيف بتطلع طلتك كيوت
وانتي واللي يناسبك واللي متعودة عليه وترتاحي له
بالنسبة للشعر , التسريحات والفير والمكر أبدااا
مو محله الجامعة ولابيعطيك نشاط وحيوية للدارسة .
ايش نسوّي فيه :
كعكة صغيرونة مميزة
ظفيرة غييير
بف صغنطوطة
وأكيد كل وحدة لها طريقتها الخاصة , وتعرف اللي يناسب وجهها
ويكون بعيد عن الأوفر والشغلات الكبيرة.
❤ الإكسسوارات :
انتي وذوقك .. وكل ماابتعدي عن الأشياء الضخمة
والسلاسل والحلقان الطويلة كل ماكنت أنيقة اكثر .
مممممم قولي لنا كيف يعني ؟
1- راح تحتاجي أكثر شيئ الساعة عشان المحاضرات
مافي لاجرس ولاأحد يدخلك القاعه ويذكرك
انتي راح تكوني مديرة نفسك .
2- حلق صغير
3- خاتم لطيف
4- وإذا كنتِ تحبي السلاسل , من الأفضل تكون ناعمة
ومو غجريه وكم سلسلة وزحمة .
وزي ماقلت انتي واللي يعجبك وتحسيه مناسب لك
هذي إرشادات ونصايح وكل وحده تعرف ايش اللي
يطلع حلو عليها
❤نظام المحاضرات :
قبل كل شيئ لازم تعقدي النيّة انك رايحة لطلب العلم وهذا كثيير مننا
مايحطه في باله أصلا للأسف !
تستشعري انك رايحه لعبادة , تخيلي أكثر من 7 ساعات عباده لله وبدون
أي تعب , بالعكس رايحه تغيري جو وتآخذي علم جديد ونافع .
وتآخذي أجر والحيتان تستغفر لك في بطون البحار !
في أكثر من كذا شيئ يفرّح ؟
في أكبر عظمة من هذا الدين السمح ؟
قبل ماتطلعي من البيت لاتنسي :
أذكار الصباح , أذكار الخروج من المنزل , عقد نيّة طلب العلم
ولازم حجابك يكون ساتر مو : ضيّق , وريحة العطر واصلة للسوّاق
اللي جنب سيارتكم , وملوّن في الأكمام برتقالي وأخضر
احنا مانقول اطلعي وعبايتك وسخة وريحتك لأ !
هذا مو ديننا أصلاً , تطلعي من بيتك بحجابك نظيف وكامل
يووه رجعنا لأيّام المدرسة عباية عالراس ومو مخصره !
متى نآخذ حريتنا
كمان هذا أكبر غلط احنا نفكر فيه ! احنا نلبس عباية عالراس
مو عشان المديرة الفلانية وماما ونظرات بابا لأ لأ لأ ابداااااا
هذي قناعة , عباية الراس كل مين موقن أنها أستر ومنظرها
لطيف ومريح للعين , وهذا مايمنع عباية الكتف الواسعة والخمار
الساتر ...
وتبقى هذي كلها قناعات وكل مين وقوّة إيمانه وماندخل في
الحلال والحرام لإن احنا مو أهل للتحليل والتحريم .
بس الله يرضا لي عليكم , العبايات اللي كأنها فساتين
وملونة ومكشكشة , مانلبسها خسارة نضيع أجورنا عشان
نزوة عباية مزيّنة وتآخذي إثم كل مين طل فيك وأعجبتيه !
ان شاء الله نكون اتفقنا ..
طيب نجي الآن للجامعة , قلتي الأذكار وعبايتك ساترة
ورايحة لأوّل يوم جامعي ودخلنا الجامعة ومعاك البطاقة
الجامعية تبرزيها للأمن عند البوابة وجوّالك اللي بدون
كاميرا , وشفتي ناس ثانية ومكان أكبر من المدرسة
وبكذا تكون بدأت حياتك الجامعيّة
طبعاً تغيّر الفصل وصار = قاعة
وتغيّرت الأبله وسارت = استاذة أو دكتورة
وتغيّرت الفسحة وسارت = بريك " وقت إستراحة "
حيكون عندك محاضرات مو حِصص ويكون عندك جدول
ينزل لك بداية كل فصل دراسي , وبما انك مستجدة ماراح
تقدري تحذفي وتضيفي .
ماني فاهمة كيف أحذف وأضيف ؟
الحذف .. يعني في مواد ماتبغيها تحذفيها
بكيفك تبغيها هذا الفصل او اللي بعدو
الإضافة ... عكسها تضيفي المواد اللي تبغيها
وكل ماكنتي ماشيه عالخطة يكون حلو وماتخربطي
نفسك وتتعارض شعبك
ايش يعني شعب ؟
شعبه يعني زي ماكنا نقول : اولى أ , ثانية ب , ثالثة ج
لأ ..
في الجامعة شعبة مو أ و ب و ج لأ لأ حتكون يا 3 أو ss , Sp
انتي وتخصصك والنظام اللي ماشية عليه الكلية في تسمية الشعب .
بالإضافة حتدرسي مع دكاترة عبر شبكة TV في
مبنى خاص ...
وأحلى المحاضرات هي اللي مع الدكاترة
< الدكتورات يغمضوا عيونهم عن هذه الفقرة
الدكاترة مافيهم شدّة ومتسامح وغالباً أسئلته سهلة
وواضحة فوق ماتتصوروا
أكيد أول المحاضرات راح تخجلي وتستحي بس مع الأيام
بالعكس .. تسيري تسألي وتشاركي وتتحمسي انك تكتبي
مع الدكتور .
نصيحة : إذا كانت محاضرتك شبكة يعني مع الدكتور لاتختاري
الأرقام الأخيرة 77 و 60 و111 في المقاعد ..
اختاري من 20 لـ 40 , لإنه في فكره سائدة عن الدكاترة اللي
تجلس في المقاعد الأخيرة هي اللي تتكلم وغير مهتمة بالمادة
مع انه هذا شيئ غلط وفيه ظلم لكن هذا اللي بيصير لإنه مايشوف
بس يسمع أصوات البنات من الأجهزة اللي جنب المقاعد .
لحظظة .. كيف أجهزه جنب المقاعد
هذي الأجهزة هي اللي حتاجوبي منها يعني مثلاً سأل سؤال
وانتي عارفة الإجابة , تضغطي إزرار الجهاز اللي جنب المقعد
وراح يقول لك رقم كم ؟ طبعاً انتي تجاوبي برقمك مثلاً 19
وتقولي الإجابة , وفي دكاترة يهتموا بالأسماء مع الرقم
يعني يقول رقم كم ؟ وايش اسمك ؟
بعضهم لأ بس الرقم ويسمع اجابتك .
طيب مادام مايشوف كيف يعرف مين جات ومين غايبة؟
اها ... سؤال حلووو , هنا تجي شطارتك انتي , فيه مشرفات للقاعات معاهم
كشف يكتبوا أسماء البنات كل وحده برقم مقعدها , وترسل نسخه للدكتور
فيه مشرفات عسسل وماتظلمك أبدا ومتفااهمة وللأسف قلة وفيه مشرفات على النقييض تماااااااااماً
فإنتي خليك ملتزمة بوقت الحضور يعني محاضرتك 10 , تعالي 10 إلا عشرة
ايش بتخسري ؟ أولهم انها راح تحترمك وتعرف انك جاده ومو حقت غياب
وتأخير والأهم الدكتور راح يكون عارفك إذا كنتي نشيطة معاه, يعني كشف
المشرفة ماراح يهتم فيه إذا كنت مشاركه مع الدكتور أوّل بأول
تنبيه : العلك " اللبان " + رِجل على رِجل , حركات شنيعة
تخيلي انك جاية تدرسي وقدامك دكتورة وتعطيك علم وانتي
اللبان يطقطق في فمك وحاطه رجل على رجل !!!
مرة شكلك × ومو من الأدب انك تسيري كذا قدام اللي أكبر منك .
فيه دكتورات من غير مقدمات تقولك : براااااااااا بأعلى صوت
وماألومها , لإن انتي احرجتي نفسك .
ملاحظة : بعض الأحيان تكون وقت الإستراحة بين محاضرة ومحاضرة "البريك"
وقت طويل , مثلاً عندك محاضرة من 8 لـ 8و50 والمحاضرة الثانية 12
ايش تسوّي في الوقت الفاضي ؟
*في شيء اسمه المكتبة تروحي هناك تقرأي , تطلّعي , تكتبي مذكرات يومك , تدوري مراجع لبحثك.
أطلبي لك اللي تحبيه من الكافتريات واجلسي مع صحباتك أو إقرأي كتابك المُفضل أو اسمعي أناشيد واللي تحبيه وياحبّذا مو أغاني عشان احنا مسؤلين :
(إن السمع والبصر والفؤاد كل أولئك كان عنه مسؤولا )
وكمان :
"عن شبابه فيما أفناه "
* عندك النشاط الطلابي أتعب وانا أقولك المشاركة في الأنشطة تخليك
في عالم ثاااااااااااني , بجد تحسي انك فعّاله في جامعتك وانك تستاهلي انك
تكوني جامعيّة ... تروحي لهم وتقولي لهم اني نفسي أكون عضوة معاكم ..
* في بنات يبستغلوا البريك ويرحوا مطاعم وحاجات ثانية , انتي
جايه الجامعة ليش ؟ وتروحي المطاعم مع صحباتك ليش ؟
ومو كل الصحبات طيبات ويخافوا الله .. بنات في الجامعة
مسالكهم سيئة ربي يبعدنا عنهم .
إذا أهلك موافقين وانتي عارفة هذي الصحبة مين , وين رايحة
وانت مطمئنة للمكان وللسوّاق .. ربي يحفظك لكن البعد عن
الشبهات أفضل وأهلك مو مقصرين في الروحات والطلعات.
* إذا كان البريك طويل بعض البنات يرحوا البيت ويرجعوا
على وقت المحاضره الثانية , بس أحسها صعبة حبتين ..
* المصلى : مايضر تجيبي مصحفك الصغير تحفظي سورة الملك وكلنا عارفين
فضلها أو البقرة اللي لو تكلمت طول الصفحة عن فضلها ماأقدر
أوصلكم فضلها .. وقت كثيير بيضيع كل بريك إحفظي صفحة
ماتلقي نفسك إلا وانتي مخلصة الجزء الأول ...إنجاااااااااز كبييير في وقت البريكات وأكثرنا غافل عنه .
أو حتى لو ماتبغي تحفظي , أقرأي كم صفحة تحسي براحة
نفسية ووقتك مايضيع على تفاهات .
* آخر شي ... انتي تعرفي أيش تحبي وفين تلقي الفائدة لنفسك
وقت البريك وقت طويل وثمين لايضيع في أشياء تسير حسرة عليك
يوم القيامة .