العـــــــــشـــق المـــــحرم ( الفصل الثالث )

العـــــــــشـــق المـــــحرم ( الفصل الثالث )
بيت ابوجابر(اماني)

بالصـــاله
شهد :يوه معقوله يمه مافيه عرس
ام جابر:اي يايمه مافيه وش رايك كيف بنسوي عرس وبنت خالتك للحين بالمستشفى وبعدين اهل العروس مايبون لان عندهم ظروف
تبينا نسوي عرس ورقص وولد خالت العروس توه متوفي وش تبين الناس تقول عنا
اماني:بس يمه مايصير هالحكي حنا نبي نفرح بخونا ولامايحق لنا بعد
ام جابر:فرحتي فيه بزواجه الاول يكفي وبعدين هم بيتزوجون وعلى طول بيسافرون
وفاء:كانت تسمعهم وساكته وهي مقهوره على اختها الي تعبانه وبالفراش بسبه زواج جابر عليها
اما اماني وشهد اسكتم مع ان الوضع موعاجبهم بس مابيدهم اي شي
بنفس البيت بس بجناح منصور ووفاء
كان جالس بالصاله سرحان بالسيجاره الي بيده يتأملها كيف تحترق ويحس انه هو الي يحترق يحترق زيها اختفت فجأه من حياته
هي الوحيده الي حبها بحياته هي الوحيده الي سكنت قلبه وملكته بطيبتها وبعفويتها هي الوحيده الي يشكي لها همومه ويشكي لها من زوجته
هي الوحيده الي شافت دموعه هي داووت جروحه وكانت تصبره على زوجته من عرفها من قبل 8 شهور وهي صارت كل حياته
والرجال لاعشق عشق صورتها ماتفارق خياله كانت اسم على مسمى ملاك وسبحان من خلقها (والحب اعمى فعلا)ماكان يشوف عيوبها
ولايبي يشوف عيوبها لانها بالنسبه له ملاك وبس هي ملاكه يحس ربه خلقه له بيسوي المستحيل عشانها
كان كل شي يعجبه فيها شكلها واسلوبها وعطفها وحنانهاصوتها وغرورها وكبريائها كان يعشقها وهوحتى اسم ابوها مايعرفه
تعرف عليها لما كانو بالعطله بمصر كانت معه بنفس الرحله وتخانق معها على المقعد لان ملاك كانت جالسه بمقعده واصرت انها موغلطانه
لماجت المضيفه وقالت لها لوسمحتي هذا مكان السيد
ملاك وقفت وارفعت خشمها بكل غرور وناظرتها من فوق لتحت وتركته ولااعتذرت
منصور كان نفسه يعطيها كف على نظرتها غلطانه ولااعتذرت بعد
ومن حسن الحظ ولاعلى قوله منصور ساعتها من قراده حظي انها طلعت معها بنفس الفندق لاوالسويت بجمب بعض
ملاك اول مانزلت من السياره وكانت خدامتها والسايق ورها يشلون الشنط لفت ورها لقت منصور
ملاك:خير وش عنك انت لاحقني.؟
منصور:تكلميني حضرتك
ملاك:لااكلم الي بجمبك
منصور( يلتفت بجميه):تستهبلين حضرتك
ملاك:هييييييييه انت تراك ماتعرف انا من بنته اوديك لشمس وماحد سأل عنك تفهم
منصور(وعصب حيل منها)انتي خير شنو هيه ماني صبي عندك انا تفهمين
وجت صاحبات اماني الي مسافره معهم
وسن:ملاك وش فيك ليه تصرخين
ملاك:سعودي غبي متخلف اول مره يشوف بنت لاحقني من المطار
قطع تفكيره صوتها تناديه
وفاء:منصور انت من متى تدخن
منصور :بسم الله الرحمن الرحيم ماحد علمك ان من الادب تطقين الباب قبل لاتدخلين
وفاء:والله غرفتي وكيفي ادخل متى ماأبي
منصور :اعوذبالله من غضب الله ياربي انا وش سويت بحياتي عشان تبلاني بوحده زيها
وفاء(كانت تناظره بكل حقد وكره ولاهمها راحت ونامت على السرير وتغطت بالفراش)
منصور كان نفسه يذبحها ويتخلص منها يحسها كرسي من كراسي البيت مو مراءه اخذ دخانه ومفتاح سيارته وطلع
هذا حاله من اختفت ملاك راحت بدون احم ولادستور راحت بدون ماتودعه اختفت فجأه طلع جواله ودق عليها مره وعشره لعله يسمع غير ان الهاتف المطلوب مغلق حاليا
بس للأسف كل مره يسمع هالجمله ركب سيارته وسحب سيجاره لعل تنسيه شووووي

*********************************

نغمه نوكيا العاديه كان جوال عبير يدق
كان عزوز يتصل بك
عبير:هلاوالله بعزيز
شجون:اهلين كيفك حبيب قلبي
عبير :ماشي الحال انت كيفك
شجون:تمام
بس اسمع
عبير:آآمر
شجون:لاتنسى يوم الخميس حفله ميلاد جراح(مي)
عبير:اي اكيد وانا اقدر
شجون:الااقول وش سويت مع خويتك
عبير:والله مدري ماصار شي بس شكلي بتعب معها الااقول عزوز
شجون:هلا
عبير:وش رايك نعزمها على عيد ميلاد جراح هي تعرف ريا خويه جراح اخليها تعزمه
شجون:سو الي يريحك
الااقول رشود
عبير:هلا
شجون:انت متأكد من الي تسويه
عبير:وش قصدك
شجون:انت عارف قصدي
عبير:صك على هالموضوع يرحم ام(ن) جابتك
عبير:انا بنزل لسوق اشتري لي شويه اغراض واقز ومنها اشتري لجراح هديه وش رايك تجي معي
شجون:متى بتروح؟
عبير:امممم بعد صلاه العشاء
شجون:اوك صار
عبير:يالله حبيبي قلبي تأمر على شي
شجون :سلامتك باي

شجون موعاجبها حال عبير ولاعبير عاجبها حال شجون

شجون وتربعت على السرير وافتحت لابها على طول هلى منتداها(شجون كان عندها منتدى تحت ادارتها هي وعبير منتدى بويات طبعا وكان اكبرمنتدى لتجمع البويات
وتعرفت من خلاله على اصدقاء كثير سواء بويات او ليديز من السعوديه وخارجها وبعضهم التقت معهم بالمجمعات وتعدت حدود علاقتهم الشاشه والجوال
بس الى الآن مالتقت مع حبيبتها شوق الي اعرفتها من خلال المنتدى طبعاهذا غير الميه غيرها الي مخاويتهم
شجون استغربت مالقت شوق لابالمنتدى ولابالمسن ومالقت ولارساله منهاومن امس مو مسجله دخولها على المنتدى
اخذت جوالها البيبي الابيض وهورقمها العام الي مع نص بنات المنتدى وثلاث ارباع بنات الرياض معهم هذا الرقم
اما رقما الثاني فهو خاص وماتعطيه اي احد
دقت على شوق مره ومرتين وخمس ومافيه رد
ارسلت لها(حبيبي خوفتيني عليك دقي علي استناك)
ورمت الجوال على الدرج لما شافت ناديه سجلت دخولها للمسن(وعداا الوقت كذا طول اليوم لما جت عبير وراحو للسوق مع بعض

*****************************************

كانت جالسه بغرفتها وطفشانه مره اخذت جوالها وقامت تدق ارقام ماتعرفها كذا تدق اي رقم بمجرد انه يخطر على بالها
جربت اول رقم وثاني رقم كلهم كان مقفل دقت الرقم الثالث ومافيه رد رمت جوالها بقوه من الطفش
اماني:اوووف طفشت انام احسن لي وارفعت على التكييف وتغطت ونامت


بجنــــــــــاح غزل وجابر
غزل تبكي وتصرخ باعلى صوتها:اطلع مابي اشوفك
جابر كان يحاول يهديها ويبيها تفهم الموضوع بس غزل مصره على رايها وانها ماتبي تشوفه
غزل:ليه يعني لاني يتيمه وماعندي اخوان تسوي فيني كذا لوكان ابوي عايش مارضى بلي سويته فيني انت وعمي ليه قصرت معك بشي انا قلي شي واحد انا مقصره فيه
جابر:اف منك تراك غثتيني عاد ماصارت انتي عارفه ان الموضوع مو بيدي وانا ابي ولد ومن حقي اتزوج واجيب ولد دامك ماتجيبين اولاد
غزل(فتحت عيوتها على كبرهم)نـــــــــــــــــــــــعم ليه مو انت الي رافض اني احمل موانا صارلي سنه اترجاك احمل وانت الي رافض اني احمل
لكن خلاص دام حجتك الولد طيب ياجابر انا بحمل وبجيب لك ولدين موولد
جابر:غزل انا بكره بكتب كتابي وبكره مسافر مافيه اي مجال لتراجع وحط قدامها عقد الفله الجديده الي ابوه شرها وكتبها بأسم غزل
تعتبر رضاوه ع قولتهم يراضيها بفله قيمتها فوق المليون والنص ريال سعودي
وطلع وتركها غرقانه بدموعها
ــــــــــــــــــــــــــــــــــــــــــــــــــ ــــــــــــــــــ

الساعه 4 الفجر
اماني صحت على صوت جوالها كان رقم غريب وردت اماني بصوت كله نوم
هلا
هو:هلااختي انتم داقين علي
اماني:لا
هو:كيف لاوانا لاقي مكالمه لم يرد عليها منك
اماني:وانا قلت لك لاماتفهم انت
هو:يعني كيف يستعبط جوالك داق لحاله
اماني :يمكن عجبه رقمك ودقه
هو:طيب لاتزعجين الناس مره ثانيه
اماني:لاتكفى تعال طقني اشوف
وقلت لك اني مادقيت عليك حمار انت ماتفهم مافيه عقل وصكت بوجهه الجوال
بأقل من خمس دقايق جاها مسج من نفس الرقم
(الله يهداك ولاتزعجين الناس مره ثانيه)
اماني قرت المسج ورمت الجوال
وراحت تغسل وجهها ودور شي تأكله طبعا هي نايمه من المغرب بس للأسف ماتعرف تصلي الااذا طقت براسها تصلي فرض وتنسى عشره


****************


يــــــــــــــــــــــــوم الخمـــــــــــيس


ابتداء يوم جديد على ابطال قصتي اليوم يوم عيد ميلاد مي(جراح)وبنفس هاليوم ملكه ملاك وجابر
الساعه 4:45 دقائق
الله اكبر الله اكبر((ويرتفع صوت الآذن بأرجاء عاصمتنا الحبيبه الرياض
صــــــلاه الفجر
ابوها يدق الباب عليها بقوه وبكل صراخ وبصوت عالي:مي قومي للصلاه ( كان ابوها رجال كبير بالسن لحيته بيضاء طويله ثوبه قصير كان رجال مدين حيل ومتشدد على بناته
وامها كانت كفيفه ماتشوف لالها لاحول ولاقوه بالبيت وطول وقتها بغرفتها المره الوحيده الي تشوف مي امها فيه هوصلاه الفجر وبس لانهم يصلونها جماعه
اما الاولاد عبدالله وعبد العزيز(توائم عمرهم22 سنه)كل يوم مطيحين بالبحرين وماسأل فيهم كان يفرق بين البنات والاولاد حيل حتى دش ستالايت مافيه غير قنوات المجد الفضائيه
اما بغرفه عبدالله وعبد العزيز طبعا لابد من وجود الستلايت ومو اي ستالايت اوروبي بعد والنت اذا اخذته البنات هذي اكبر مصيبه عــيب البنت تجلس على النت
والنت فيه الفساد وخراب الاخلاق(على قوله ابوعبدالله ابومي(جراح))
واذا اضطرت (في) تأخذ لاب توب واحد من اخوانها
عشان بحث بالجامعه ولاشي فلازم يكون هوجالس بجمبها
والجوال ماعندهم طبعا مي(جراح)كان عندها بالسر بدون علم اهلها
اما (في) فهي متدينه نفس العائله
مي (جراح)كانت تخاف من ابوها حيل)وفزت بسرعه وافتحت الباب وقالت يبه صحيت
وتناظر ابوها وهو يدق باب غرفه اختها (في)الاكبر منها بسنتين بثاني جامعه وهي اختها الوحيده
مي راحت للحمام تغسل وجهها ياربي متى افتك من هالحياه وهالسجن الي معيشيني فيه
توظأت ولفت جلالها للصلاه تصلي جماعه مع امها واختها في
خلصت صلاتها وراحت على غرفتها طلعت جواله من الدرج الي على الصامت 24 ساعه
لقت 3 مكالمات لم يرد عليها من (حبــــي)
ومسج


((كل عام وأنت لقلبي مصدر النور
كل عام وأنت لروحي مصدر الفرح
كل عام وأنا أجمع كلمات الحب
لكي أصنع منها قلادة أهديك إياها
وبمشاعر خالية من التزييف
أقولك كل عام وآمالك وأمانيك تتحقق
كل عام وأنت أغلى ما في الحياة يا كل الحياة

كل عـــام وانت حــــــــبيبي))

وبعد خمس دقائق كان حبـــــــــي يتصل لانها عارفه ان مي بتصحى بهالوقت اجباري للصلاه
ابتسمت شجون وهي تشوف اسمها يضوي شاشه الجوال ويضوي حياتها معها(شجون صارلها مع رياء 5شهور وهي حب حياتها الاول تعرفت عليها
بأول لقاء لبنات منتدى وقروب صديقتها شجون(عزوز) خبرتها شجون وجت وطبعا هي كانت تعرف رياءبس من بعيد لبعيد بالقروب ولان مي تدخل النت قليل
لان ماعندها لاب توب وتدخل من الجوال اعجبتها رياء زياده وانبهرت بجمالها مع انها كانت بنفس المدرسه الي هي فيها بس ولامره شافتها وهذا الي قربها
من رياء اكثر واكثر
ومن يومها وهي صارت شي كبير بحياتها بس مشكله مي تغار بزياده تغار على رياء من الكل ولاتبيها تحكي مع احد غيرها...)



********************


مانامت من امس وهي تناظر الشنط الي حولها وحتى موعارفه وش داخلهم الي عارفه ان هذا جهازها وانها بتزوج اليوم زواجها اليوم بتطلع من البيت اليوم بتطلع من السجن
لكن وين بتروح بتروح لسجن اللعن واللعنين رجال موعارفته حتى لما شافه الشوفه الشرعيه ماشافته كانت عيونها بالأرض اليوم بنتزف ناظرت الثوب الابيض معلق
كان ناعم مره وعليه لولو وضيق مرره على الجسم وطوويل من وراء ناظرت طرحتها القصيره الي عليها من الاطراف لولو ابيض ناظرت جزمتها(وانتم بكرامه)
الاكسسورات ساعه من ديور الحلق من لولو
ناظرت بجهازها وشنطها والعلب الكبيره ومتوسطه الحجم هذا جهازها كانت الشنط والعلب مزينه باللون الاحمر هذي (بقشه العروس)
وطبعا هذي ملاك الجبــار لازم جهازها يكون غير
كل هذا قدامها كل هذا جالسه تأمل فيه ومو مستوعبه الي يصير اليوم يومها اليوم يوم حياتها الي صار لها سنين تحلم فيه اليوم يوم زواجها
فزت على طوت الباب يتحرك فيه احد يفتح الباب كان امها ومعها ثنتين باين من لهجتهم الاول لبنانيه والثانيه اندنوسيه
البنانيه:مرحبا شو هيدي عروستنا
ام ملاك:ملاك قومي تروشي وخليهم يسوون لك سونا وحمام عروس يحفون لك ويعدلونك اليوم عرسك
ملاك كانت ترمش بدون ولاكلمه وناظرت بالشغالات وهم مصعدين اغراض الكوفيره من صدمتها سوت الي تبيه وراحت تروش
وطبعا امها طلعت وقفلت الباب




*****************************



الساعه 6 المغرب كانت جالسه قدام المرايه وللحين ماقررت وش تلبس راحت اماني لغرفه اختها شهد
اماني وطق الباب على شهد:شهووده افتحي ابيك
شهد:وش تبين
اماني :معزومه على عيد ميلاد اليوم وش رايك تجين معي بستراحه الحفل ودي جي ووناسه وعشان تشوفين عبير الي قلت لك عنها
شهد:ليه هوعيد ميلادها
اماني(وراسمه الضحكه )لالاموعيد ميلادهاعيد ميلاد صاحبتها
شهد:لامالي خلق حفلات بزران وبويات
اماني:شهد تكفين امشي معي
شهد:اقول روحي عني تدرين اني ماطيق البويات اصلا
شهد:ابو القهر اليوم ملكه اخونا ولافيه عرس اف بس
اماني:الشرهه علي بيعزمك ويبيك تجين معه مالت بس وراحت لغرفتها تلبس
بعد ساعتين خلصت اماني لبس وكالعاده لابسه فستان وردي ضيق وعل الخصر ورده كبيره بيضاءوطالع كل ضهرها لازم تكون احلى وحده بالحفله
وتملىء عيون عبير
وملففه شعرها من تحت ورافعه غرتها(قصتها) بورده ورديه ولابسه كعب عالي ابيض وشنطتها بيضاء
ومكياجها وردي ناعم واكتفت بعدسات زرقاء




**************************************



بالحفــــــــــــله بالاستراحه ابو شجون



طبعا الحفله كلها من تنظيم شجون وهي المتكلفه بكل شي فيها ولان ظروف مي (جراح) ماتسمح لها
فاشجون(عزوز) ماقصرت بالحفله وماخلت احد تعرفه وماتعرفه الاعزمته هي نفسها انصدمت من عدد المتواجدين الي كانو من بويات وليدز وبنات عاديات
وطبعا ماتحلى الحفله الا بدي جي
شجون عصبت هذي المره العاشره الي تدق على لمياء حبيبتها وماترد شجون على قد ماتلعب وبحياتها مليون بنت الان مافيه احد حبته قد لمياء ولوانها عارفه انها تستغلها
شجون رمت الجوال بعصبيه الكل جاء للحفله الالمياء
عبير طبعا من اول الحضور كيف ماتجي بدري واماني بتجي
اما مي(عزوز)مع رياء وموحاسه بالدنيا
شجون كانت جايه مع بنت خالتها وقالت لأهلها انها بنتام عندهم وطبعا بعد هواش وخناق واقناع وافقت امها انها تنام لان ابو مي مسافر وبتنام ببيت خالتها بدون علم ابوها
وطبعا شجون بنتقضى اليوم والليله كلها مع رياء اليوم عيد ميلادها غير خصوصا ان شجون هي الي مسويه كل شي وهذا كله هديه عيد ميلادها
اول مادخلت اماني كانت محط انتباه الكثير كانت مميزه بأنقتها ونعومتها على قد مالبسها ناعم على قد ماكانت تجذب وتلفت الانتباه كانت جايه مع بنت خالتها
غرام كانت لابسه تيور بني ببيج ناعم مرا وتحت الركبه
وطبعا لمحه على الحضور بالحفله الدي جي شغال الوسكي يتووزع بكل مكان بس بكميه قليله هذا الي قدرت تجيبه شجون الباتكس والكلونيا متوفر بكل مكان وبكل طاوله
نص البنات لو مولابسات شي استر لهم
وغرام اول مره تحضر مثل هالحفله كانت مصدومه من الاشكال الي تشوفها ريحه السجاير طاغيه على المكان اشكال غريبه مرا ومن جميع انحاء الرياض
فيه بويات تقسم انهم اولاد ولالهم خص بالانوثه لامن بعيد ولامن قريب وحتى اسم بويه حرام عليها
شجون تدق مليون مره وماترد لمياء وبالنهايه لقت جوالها مقفل عصبت حيل من حركه لمياء وحركتها الغبيه معها الكل معه حبيبته الاهي وطبعا البنات حوالها
وكل وحده مبسوطه انها تشوف شجون(جراح) بدون خويته معناته ان شاء الله انه تاركها وكل وحده عايشه بعالم الاحلامها انها تأخذ مكان لمياء
شجون عيونها ماتفارق جراح كانت تناظر برياء بكل حقد وكره
وقربت الساعه 12 سحب جراح المكرفوون وقال لهم موعد يطفي جراح الشمعات
وطبعا جاء جراح وماسك يد رياء يبها هي الي تطفي الشمعه معها شجون هنا وصلت حدها من رياء ونفسها ترمي الكيكيه على وجهها
بجهه ثانيه من الحفله بالحديقه كانت اماني وعبير جالسات على الطاوله والكل يناظر ويعلق والي يشوفهم مايقول ذلي اول مره يجلسون مع بعض
اماني بالبدايه كانت خجلانه ومستحيه مره من عبير بس عبير بأسلوبها قدرت تطلع اماني من خجلها وتكسر الحاجز الي بينهم
غرام :احم احم
اماني:هلا غزل
عبير:ياشين الي وقته خطأ
غرام:هههههههههههههههههه
لاياشيخه ماغلط غيركم يالله بيطفون الشمعات
عبير:طيب اللحين نجي
غرام:اللعن ابو التصريفه وراحت
عبير:وقفت وتمد يدها للأماني
اماني (ماتوقعت عبير كذا بتدخل قلبها من اول مره اماني نزلت راسها بخجل ومسكت يد عبير )
(عبير ماسكه يد اماني والدنيا موسايعتها ايه هذي هي هذي حبها الي ضيعته من سنتين ورجع لها هذي هي لينا معها)
وطبعا وقت مي(جراح ) يطفي الشمعات بجانب حبيبتها تحس انها مالكه الدنيا هذا اول عيد ميلاد لها مع حبيبتها
طفو اللمبات وطفت مي الشمعات مع رياء و###مي ماتوقعت هالحركه من رياء
وطبعا عبير متحلفه فيهم وماكملت دقيقه الاشغلت المباات ###
اووووه وصراخ على حركه عبير عبير رجعت طفت اللمبات وهي تمنى لينا معها وتذكر وش كانت تسوي هي ولينا بهاللحضات
طبعا كانو حاطين اغنيه رومنسيه واللمبات مطفيه والظوء على جراح ورياء بس هذي رقصتهم ولهم هم
خلصو رقصتم وشغلو اللمبات
سحبت شجون (جراح )المكرفون وهذي الاغنيه اهداء لشوود واماني والكل يصفق ويصفر ويبي يشوف من خويه راشد الجديده خلصوو
رقصتهم وطلعو يتمشون للحديقه
مي كانت تمشي مع شجون وتسلم على المعازيم بس لفت انتباهه رياء وافقه مع وحده بويه
بس من تكون هالبويه كانت خويه رياء الاولى (سعود)وكانت### وكأنها للحين خويتها مي وصلت حدها من حركه رياء
ومالقت نفسها الا تمشي بسرعهاوتسحب رياء من حظن سعود وتجرها قدام الكل ودخلتها داخل بالغرفه
ورمتها بأقوى ماعندها على الكرسي
رياء:انت وش سويت
مي(جراح) لاعاجبك الي تسوينه حضرتك
رياء :جراح وبعدين معك انت عارف ان سعود صديق وبس ومايعني لي اي شي
جراح:وتبيني اشوفك بحضنه وقدام عيني واسكت على حظرتك
رياء :انت الحكي معك ضايع اصلا ومشت من عنده وتركته
مي(جراح):قلت لك تعالي هنا
رياء مشت وطنشتها ومي انجنت من حركتها وجرتها مع يدها وعطتها كف
رياء انصدمت خدها تجمد من قوى الكف ومن من من جراح جراح يضربها
مي (جراح):انا آسف والله آسف
رياء مشت وتركتها وطلعت من الحفله بدون ولاكلمه
اما شجون كانت مبتسمه وميته من الوناسه وهي تتابع كل شي من دخلو الغرفه واسمعت كل شي لان صوتهم كان عالي


************************


بنفس الوقت وبالعاصمه الرياض ببيت الجبار
كانت لابسه فستانها الابيض الضيق على الجسم وماسكه مسكتها ورد طبيعي احمر وفيه لولو
ومكياجها الثقيل الاسود وروجها الاحمر الصارخ
وتسريحتها فخمه حيل وكبيره ومرتفعه ومعطتها طول
هذي ملاك كانت ترتجف ومن الخوف مانزلت لها ولادمعه اللحين تبي تروح مع رجال خلاص وقعت على عقد الزواج بدون الي تردد
خلاص هي مات الخوف موتها وقتلها تفكيرها انشل من التفكير ومن الخوف وهي رايحه مع واحد موعارفته



*******************





يـــــــــــــــوم الجمــــــــــــــعه
الســــــــــاعه 9 الصبح
صحت شجون مفزوعه من الحلم هالكابوس ثاني مره يتكرر عليها كانت تحلم ان احد بيخنقها وانها بمكان فاضي وخالي من الناس بس امها امها كانت معها
تناظر لها من بعدين وتبكي وكأن بينهم حاجز موقادره تجي وتنقذ بنتها
شجون تعوذ من الشيطان الرجيم وهي تحس ان كأن احد فعلا يخنقها وانه مو مجرد حلم
بدت تذكر هالموقف دموع امها بالحلم نفس دموعها نفس بكأء امها يوم........
كانت شجون كل عطله تروح تقضيها ببريطانا عند امها اخر مره صحت شجون من النوم متأخر لانها كانت تعبانه صحت الساعه 11 الضهر
كانت امها بالداوم ساعتها وكان زوج امها توه جاي من سهره امس وللحين سكران كانت جالسه بالمطبخ تسوي لها كوفي
جاي يمشي لها ورجل قدام ورجل وراء شجون عرفت من مشيته انه موطبيعي وانه شارب شي وسكران
قرب من عندها وهي خايفه منه حست بأنفسها تحرقها من كثر ماقرب لها شجون بعدته عنها بأقوى ماعندها وركضت على اقرب غرقه كانت غرفه امها.......


كماله قصه شجون البارت القادم





******************


ملاك وش بيصير عليها
وملاك الي يحبها منصور وش قصتها..؟؟
معقوله هي ملاك زوجه جابر ولامجرد تشابه بالآسماء
شجون ليه استانست وفرحت لما مي(جراح)ورياء تهاوشو
اماني وعبير(راشد) وش بيصير معهم ....وهل بيكملون مع بعض..؟؟
الرقم الي دقت عليه اماني من يكون ولامجرد رقم ولاله اي دور بالروايه
لمياء ليه ماجت على الحفله
ووش تستغل شجون (عزوز) فيه
غزل هل سكوتها هو الهدوء الذي يسبق العاصفه
وفاء ومنصور ليه حياتهم كذا
وهل ياترى لبرود وفاء قصه وكره منصور لها وراه سبب
مي (جراح)وش بتسوي مع رياء
ورياء بتغفر لها ولالا
شجون وش قصتها مع زوج امها...؟؟
لجين وش صار معها ياترى..؟؟